Wednesday, July 26, 2017

Viral: Manok, Nabasag ang Salamin ng Ruweda!

                     
       Viral ngayon ang laban na cinoverage ng www.sabong-tambayan.com na pinost ni John P. Punzalan. Nabasag kasi ng manok ang salamin ng ruweda dahil sa lakas ng palo nito. Hindi na tuloy makita ang laban nang itinapat ang camera sa bahagi ng nabasag na salamin.

        Hindi ito ang unang beses na nangyari, nangyari na rin ito sa palaban sa isang sabungan sa Davao City. Marami ang bumilib sa manok na nakatama sa salamin na ayon sa kanila ay fiber glass. Pero sabi ng mga kumukontra, hindi 'yun fiber glass kundi tempered glass kaya't natura lamang na mabasag kapag tinamaan ng matigas o matulis na bagay gaya ng tari.

Pero para sa iba, 'di na kailangan pang pagtalunan kung anumang klase man ng salamin gawa ang ruweda. Ang importante ay malakas at nanalo ang manok.

Panoorin ang video:

Monday, July 24, 2017

Ang Sinaunang Sabong sa Pinas


Sinasabing noong araw ay napakasimple lang ng sabong sa Pilipinas. Ang iba ay naniniwala na ang mga Kastila ang nagdala nito. Pero ‘di ito totoo dahil bago pa man sila dumating ay nagsisilbi na itong libangan o pampalipas oras ng ating mga ninuno. Sinuportahan na lang ang sabong ng mga Kastila yamang pamilyar na sila sa ganitong isport. Sa ibang bansa kasi, kahit ang simbahan ay nag-i-sponsor ng sabong para makalikom ng pondo na ginagamit nila sa kawanggawa. May posibilidad na mga Malaysian o ‘di-kaya’y Indonesian ang nagdala ng sabong sa bansa natin.

Ayon sa kuwento ng matatandang sabungero, noong panahon nila ay wala pang hybrid chicken. Bumibili lang sila ng manok na nakalagay sa bayong sa may palengke. Ni hindi nga nila alam kung ano ang bloodline nang binibili nilang manok. Ang nagsisilbi lang diumanong  pakain sa manok ay mais, bigas at iba pa. Wala pa kasing feeds company noong araw. Ang death mortality din ng mga manok noon ay masyadong mataas dahil wala pang mga gamot na nadidebelop. Kung mayroon man, kailangan pa itong angkatin sa ibang bansa. Ibig lang sabihin, kulang na kulang ang kaalaman noon ng mga magmamanok pagdating sa medikasyon.

Wala pang gaanong sabungan noong araw. Hindi gaya ngayon na kahit saan ka magpunta, kahit sa liblib na lugar ay mayroong sabungan. Ang iba, nagsasagawa ng derby sa loob ng kanilang bakuran, pero kinakailangang kumuha ng permit sa may munisipyo.

Nang nagsimula nang mag-import ang sabungerong Pinoy sa ibang bansa partikular na sa ibang bansa, dito na nagsimulang madebelop ang pagmamanok sa atin. May mga Amerikanong breeder pa nga raw na sumali sa mga derby dito sa Pilipinas. Nang paalis na sila ay iniwan na lang nila ang kanilang mga manok sa mga kaibigan nilang Pinoy. May mga tinuruan pa ang mga Amerikanong breeder kung paano ang tamang pag-aalaga at pagbi-breed ng manok. Siyempre, inadopt ng mga Pinoy ang mga aral na akma sa atin lalo na’t iba ang klima sa Pilipinas.

Doon na rin naging pamilyar ang mga sabungerong Pinoy sa iba’t ibang klase ng bloodline gaya ng Sweater, Kelso, Hatch at iba pa. Hanggang ngayon maraming mga Amerikanong breeder ang tila naging household name na (buhay man o patay) gaya nina Foster Kelso, Billy Rubles, Johnnie Jumper, Mel Sims, Carol Nesmith at iba pa. Bakit hindi? Eh, naipangalan sa kanila ang mga manok na kanilang pinalahi. Ang ginawa na lang ng mga Pinoy, nagtimpla rin sila ng kani-kanilang bloodline gamit ang mga imported na manok at isinunod din nila ang pangalan ng manok sa kanila o ‘di-kaya’y sa kanilang farm.

Noon, konting pangalan lang ang angat sa mundo ng sabong. ‘Yung mga bigtime lang, ‘ika nga. Siyempre, sila ang may access sa imported na mga manok. Direkta pa silang kukuha ng manok sa Amerika. Isa pa, limitado lang din ang kaalaman ng mga magmamanok noon. Hindi gaya ngayon na ang impormasyon ay nagkalat kung saan-saan. Mapa-telebisyon, dvd, magasin at internet.

Ibang-iba na talaga ang sabong ngayon at palago ito nang palago sa pagdaan ng mga araw. Salamat sa mga taong patuloy na sumusuporta sa natatanging isport na ito. Kung wala sila, marahil ay ‘di magiging ganito kasigla ang sabong sa Pilipinas. Siyempre, ang lahat ng bumubuo sa industriya ng sabong ay may kontribusyon sa paglago nito.


Sunday, July 23, 2017

Ang Maging Sentensyador

Ang pamosong sentensyador na si Berong Javellana

Napaka-importante nang ginagampanan ng mga sentensyador sa sabong. Sila kasi ang nagdidesisyon kung aling manok ang nanalo. Hindi biro ang trabahong ito dahil kinakailangan na matalas ang mata mo sa laban. Alam mo dapat kung aling manok ang huling tumuka para masabi mo kung sino ang sa nanalo, ang meron ba o ang wala? Kung hindi, malamang makatatanggap ka ng reklamo mula sa mga may-ari ng manok. Kailangan pa tuloy rebyuhin ng committee para malaman nila kung kinakailangan pang baguhin ang iyong naging desisyon o hindi na. Kunsabagay, wala namang sentensyador na perpekto. Pero kung sadyang nandaya ay ibang usapan na ito.

Bukod sa pagkakaroon ng matalas na mata, importante rin na maging tapat ka sa iyong trabaho. Hindi naman maikakaila na mayroong mga corrupt na sentensyador. Karaniwang matatagpuan sila sa maliliit na sabungan. ‘Yun bang nakikipagsabuwatan sila sa may-ari ng manok para ipanalo ang kanilang laban. Kung ikaw ay isang sentensyador, please lang huwag na huwag kang mandadaya. Kung sakali mang may lumapit sa iyo dahil gusting panaluin ang kanilang manok, tanggihan agad ito. Isumbong mo sa management para ma-ban sa sabungan. Huwag ipagpapalit ang karangalan para sa salapi na ibabayad nilaa iyo. Kung ang kapalit naman nito ay pagkatanggal sa trabaho at pagkasira ng reputasyon.

Ang trabaho rin ng sentensyador ay lubhang napakadelikado. Mayroon kasing posibilidad na matamaan ng tari. Kaya’t kinakailangan lang na maging maingat habang ginagampanan ang trabaho. Pero ang iba, naglalagay sila ng protection gear sa kanilang pulso. Mahirap na at baka matamaan pa ng tari. Siyempre, mayroon din namang walang suot na proteksyon. Sanayan na lang siguro. Nag-iingat na lang sila nang husto. Pero minsan kahit ano’ng ingat ay ‘di pa rin maiiwasan ang disgrasya. Gaya nang nangyari sa isang sentensyador na bigla na lang pinalo ng tari ng manok. Ipinagpapalagay ng marami na kaya siya pinalo ay dahil nakasuot siya ng jogging pants na kulay pula. ‘Di ba’t karamihan ng mga manok na inilalaban ay kulay pula?

Kapag ikaw ay isang sentenayador, kinakailangan na pagandahin mo ang iyong reputasyon. Kapag ginawa mo ito, tiyak na marami ang kukuha sa iyong serbisyo. Magkano nga pala ang maaaring kitain sa ganitong uri ng trabaho? Depende na lang ito sa financial capacity ng isang sabungan. Ayon sa isang sentensyador na aming nakausap, ang kanyang mga kliyente ay nagbabayad sa kanya mula limang libo pataas kada laban. Proud siya sa kanyang trabaho dahil napupunan niya ang lahat ng pangangailangan ng kanyang pamilya. Nakabili pa siya ng sasakyan at napapag-aral niya ang kanyang mga anak sa private school. Kaya’t maganda talagang trabaho ang pagiging sentensyador kahit sabihin pang napakadelikado nito. Ngayon, sino ang may sabing walang kinabukasan sa ganitong trabaho?


Kapag sentensyador ka ay para ka ring superstar dahil nasa iyo ang sentro ng lahat ng mga sabungero sa sabungan. Ikaw ba naman ang nasa gitna ng ruweda, eh. Bilang sentensyador, makukuha mo ang respeto ng lahat ng magmamanok. Pero ang respeto ay hindi kusang ibinibigay kundi pinagtatrabahuan ito nang husto, ‘ika nga. Kahit saan namang career, basta pagbutihin mo lang ang ginagawa mo tiyak na magbubunga ito nang maganda!

Tuesday, July 18, 2017

Running Exercise for Chicken

                                     
        May kani-kaniyang istilo ang mga sabungero kapag naghahanda ng manok. May nagpapasampi, nagpapakaskas at mayroon din namang gumagawa ng running exercise. Ang iba nga ay nakakulong pa ang manok sa lalagyan na animo’y parang gulong na kahoy. Pero mayroon din namang parang thread mill. Sino’ng may sabing sa tao lang ito ginagamit, aba’y sa manok din.

      Kasakuluyang kumakalat ngayon ang video ng manok na nagra-running exercise na naka-post sa Danified Facebook page.  Karaniwan na ang ganitong sistema sa ibang bansa. Sa Pilipinas, mayroon sigurong pailan-ilan lang na gumagawa nito. Wala pa kasi kaming nakita na ganito sa mga farm na amin nang napuntahan. Pero may nagsasabi na gumagamit ng ganito ang mga kapatid nating Muslim na magmamanok para ihanda sa laban ang kanilang manok na Parawakan.


     Siyempre, layunin ng running exercise ang pagpapatibay sa paa ng manok. O ‘di-kaya’y para maging malakas at mabilis ang kanilang pag-atake sa kalaban. Pero ayon sa mga ‘di naniniwala sa ganitong sistema. Baka naman bumilis lang sa pagtakbo ang manok para iwasan ang kalaban. Hindi naman siguro. Kung ganito ang nangyayari, wala na sanang sabungero ang gumagawa nito. Well, kanya-kanya lang ng style ‘yan, walang basagan ng trip ‘ika nga. 

Panoorin ang video: 

Monday, July 17, 2017

Viral: Manok na Tumatawa

Credit to Barcroft Animals 
Hindi lang loro ang nakakapanggaya ng boses ng tao kundi pati na rin ang manok. ‘Yun nga lang ay pagtawa lang ang kayang gayahin ng mga ito. Sa Jakarta, Indonesia diumano ay may mga magmamanok na sinasanay ang kanilang alagang manok para gayahin ang tunog ng pagtawa ng mga tao.

Noon ngang July 16, 2011 ay nagkaroon pa ng laughing contest ng mga manok kung saan ay 187 na mga manok ang nagsipaglaban-laban. Kung pakikinggan mo ay talaga namang nakatutuwa dahil ang alam lang natin sa manok ay tumitilaok. Meron din palang tumatawa.


Panoorin ang video:

Saturday, July 15, 2017

VIral: Lolo, Pinapasayaw ang Mga Manok Habang Nagpapakain


Talaga namang ang pagmamanok ay nakalilibang dahil tunay namang nakakapagpasigla ito ng pakiramdam. Sabi nga ng iba, nakapagpahaba ng buhay ang pagmamanok. Kahit itanong mo pa sa matatandang gamefowl breeder o sabungero.

Isang Mehikanong lolo ngayon ang pinag-uusapan sa sabong community dahil kakaiba niyang sistema sa pag-aalaga ng manok. Paano ba naman, pinapasayaw pa niya ang mga manok bago pakainin.

Makikita sa video na kumakanta pa si Lolo habang sumasayaw. Para namang sumasabay sa pagsayaw ang mga manok dahil umiikut-ikot sila habang sumasayaw at kumakatanta si Lolo. 'Di ba't nakakaaliw?

Panoorin ang video:

Monday, July 3, 2017

Viral: Tao Versus Manok

                              
      Ang bawat sabungero ay may kanya-kanyang teknik sa pagsasanay ng manok.  Mahalaga itong parte dahil kung ‘di naging maganda ang pagsasanay malamang na hindi rin magiging maganda ang performance nito sa ruweda.

    ‘Yung iba kapag nagti-training ng manok ay gumagamit pa ng dummy chicken para rito papaluin ang manok. Kapag totoong manok daw kasi ay malalamog lang ang katawan ng ka-sparring nito. Pero sa pambihirang pagkakataon ay meron din naman na ang sarili mismo nila ang ipinapain para sanayin ang manok.


    Sa viral video na ito na pinost ng Facebook user na si Umair Awan, makikita ang isang lalaki na nakikipag-sparring sa manok. Pero kapag sumusugod naman ang manok ay naatras din. Mahirap nga naman ang mapalo. Mabuti pa ay panoorin na lang ang trip ng lalaking ito.

Thursday, June 29, 2017

Sabungero, Napatalon sa Ruweda Dahil Hinabol ng Manok

                                    
     Likas na sa manok-panabong ang pagiging matapang, pero ang iba ay nasobrahan gaya ng mga manok na tinatawag na manfighter.

   Kumakalat ngayon ang video na ipinost ng Danified FB page kung saan makikita ang manok na imbes na ang kalabang manok ang sugurin ay ang tao pa ang sinugod nito. Napatalon tuloy ang sultador sa ruweda para makaiwas sa palo ng manok.

    Nang aktong kukunin nan g sentensyador ang manok ay pumorma ito para pumihit ng palo. Napaatras tuloy ang sentensyador.


Panoorin ang video:

Tuesday, June 27, 2017

Manok o Pag-ibig?


Kung ikaw ang papipiliin sa dalawa, sabong o pag-ibig, ano ang pipiliin mo? Handa ka bang isuko ang iyong passion alang-alang sa pag-ibig? O magagawa mong piitin ang iyong damdamin at ipagpalit mo ito sa manok? Di ba’t ang hirap mamili sa dalawa? Pero nasa iyo naman ‘yun kung ano ang iyong mas pinapahalagahan, manok mo ang taong iyong minamahal. 

Kung ikaw ay isa pang single, piliin ang tao na makakaunawa sa iyong passion dahil kung hindi malamang magkakaroon ka ng problema sa hinaharap. Dapat niyang maunawaan na ang sabong ay hindi basta isang sugal kundi isa itong lehitimong sport. Habang maaga pa ay ipaalam mo na ang iyong pagmamanok. Ipaliwanag nang mabuti na ang sabong ay hindi masama gaya nang sinasabi ng iba. Kung mahal ka naman niya talaga, tatanggapin ka niya kasama ang iyong mga manok. Hindi maaaring tatanggapin niya lang ang gusto niyang tanggapin sa iyo tapos ang iba ay iri-reject niya. Mapalad ka kung ang gusto mong makapareha ay may sabungero sa kanilang pamilya dahil ‘di na magiging isyu ang iyong pagmamanok.

Marami na tayong narinig na mga kuwento na iniwanan ng babae si lalaki dahil tutol ito sa pagsasabong ng kapareha. Nagrireklamo sila na napapayaan na sila dahil sa manok. Mas marami raw kasing oras ang kanilang asawa o boyfriend sa manok kaysa sa kanila. Mas madalas pa raw ang mga ito na magpunta sa kanilang manukan o sa sabungan kaysa pumirme sa kanilang tabi. Kumbaga, mas gustong humimas ng manok kaysa himasin ang kanilang kapareha, hehe.

`           Kung tutuusin, hindi naman magiging problema ang pagmamanok kung ibabalanse mo lang ang iyong oras. Huwag puro manok, bigyan din ng oras ang kapareha. Kung ang manok, nangangailangan ng atensyon siyempre lalo na ang tao. Tama ang kasabihan na lahat ng labis ay nakasasama. Huwag hayaang mawasak ang relasyon dahil sa pagmamanok o pagsasabong. Kung nakikita nilang hindi naman nakasisira ng relasyon ang pagmamanok, tiyak na susuportahan ka ng minamahal mo. Importante rin na huwag galawin ang budget na nakalaan para sa iyong pamilya. Ang ipang-sabong lang ay ang sobra sa inyong pangangailangan. Kapag nananalo naman sa derby, unahing i-treat ang pamilya bago ang barkada o sino pa man.

Sa huli, hindi mo na kailangang mamili kung sabong ba o pag-ibig kung puwede mo naman itong pagsabayin. Ang kailangan lang ay time management at tamang paghawak ng salapi.

Monday, June 26, 2017

Hiwaga ng Sabong

                                       
           Naaalala mo pa ba kung paano ka nagkainteres sa sabong? Marahil ay kagaya ka rin ng iba na naimpluwensiyahan ng isa sa iyong mga kaanak, kaibigan o ‘di-kaya’y kapitbahay. Marami sa atin, namulat sa pagmamanok noong nasa elementarya pa lang. Pero meron din naman na mga late bloomers na. Pero wala naman ‘yung kaso, walang bata at matanda sa sabong. Ang importante ay kaisa ka sa sport na ito.

Meron din naman mga nagsasabi na noong una ay ayaw nila ng sabong dahil naniniwala sila na ito ay isang uri lang ng sugal. Pero nang ito ay kanilang maintindihan, tinnggap din nila ito at nabago ang kanilang mga pananaw. Ngayon, isa rin sila sa mga nalilibang at aktibo sa pagsali sa mga derby. Ang mga dating ayaw sa sabong ay masugid na ngayong tagapag-tanggol nito.

Bakit kaya ang hirap ipaliwanag kung ano ang nararamdaman natin para sa ating mga manok-panabong? Tila baga walang salita na makapagpaliwanag nito kahit malawak pa ang ating mga bokabularyo. Ang nalalaman lang natin ay napakasayang magpalaki ng sisiw hanggang dumating ang panahon na dadalhin na natin sila para ilaban.

Sadya yatang ang saya at kasabikan ay ‘di natatapos kapag ikaw ay isang sabungero. Angg bawat sandali para sa atin ay isang adventure ‘ika nga. Bagama’t kapag nagsasabong tayo ay walang katiyakan kung mananalo ba tayo o matatalo. Alam kasi natin na maging ang ating kalaban ay naghanda rin nang husto. Pero ‘di tayo natatakot sa kanila bagkus ay itinuturing natin ito bilang isang hamon. Kapag natalo tayo, isa itong pagkakataon para linangin pa natin ang ating kakayahan. Yamang ang sabong ay ‘di nawawala. Kumbaga, laging may next time.

Dumating na rin ba sa punto na minsan ay naisip mo nang iwanan ang mundo ng sabong dahil sa mga problema na nararanasan sa pagmamanok? Maaaring ito ay hinggil sa pinansyal, problema sa kalusugan o anumang balakid. Halos gusto mo talagang sumuko, pero bigla mo ring maiisip na ayaw mong iwan ang pagmamanok dahil itinuturing mo na ito na parte ng iyong sarili. Na kapag nawala ay para bang may kulang sa buhay mo.

Para sa iba tinatawag nila itong libangan o ‘di kaya’y passion. Pero hindi lang naman ang mismong pagmamanok ang masaya rito kundi pati na rin ang mga tao na nakilala natin sa pamamagitan ng sabong. Ang ilan sa kanila ay ating mga naging kaibigan, financier, business partner at iba pa. Marahil ang isa sa mga dahilan kung bakit naririto pa rin tayo at nagsasabong ay para lasapin ang sayang dulot nito at sisirin ang misteryong bumabalot dito!

Husay ng Isang Lancey Dela Torre


Nakilala si Lancey Dela Torre ng Red Foot Game Farm dahil sa kanyang Boston Roundhead dahil sa husay nitong lumaro. Hanggang ngayon ay marami pa ring mga sabungero na ang linyadang ito ang hinahanap at kinukuha sa kanya.  Pero  alam n’yo ba mga kasabong na bago maging isang breeder si Lancey ay naging mananari muna siya?

Bata pa lang si Lancey ay namulat na siya sa mundo ng sabong dahil na rin sa impluwensiya ng kanyang lolo na isang sabungero. Nagsimula siyang magsasali sa sabong noong makatapos siya ng haiskul. Nag-umpisa ito nang makabili siya ng murang manok sa isa niyang kapitbahay saka niya ito inilaban sa sabungan.

Magaling na mananari si Lancey kaya maraming malalaking breeder ang nagtiwala sa kanya. Nakapagtari siya sa mga bigtime na sabungero gaya nina Felix Trebol, Mayor Nonoy Jalandoni at iba pa. Nakapagtrabaho pa nga siya kay Nene Abello sa loob nang mahigit limang taon. Maliban dito ay nagtrabaho rin siya kay D.O. Plaza na itinuturing niyang kanyang guro. Marami kasi siyang natutunan dito kabilang na ang pagpapalahi ng manok.

Bilang mananari, naniniwala si Lancey na mahalagang bagay ang linyada ng manok para manalo sa laban. Pero ‘di rin maikakaila na mahalaga ang papel ng tari. Ang tari kasi ang nagsisilbing sandata ng manok. ‘Di ba’t kapag nagkamali ng kabit ng tari ay problema na?

Ang maganda kay Lancey, bagama’t tinitingala na siya ng mga sabungero ay nananatili pa ring nakatapak ang kanyang mga paa sa lupa. Hindi niya pa rin nalilimutan ang una niyang naging trabaho at ito nga ay ang pagtatari. Paminsan-minsan kasi ay nagtuturo siya sa mga seminar kung paano magtari.

Bago maging isang fulltime breeder, nagsilbi si Lancey bulang isang pulis sa loob ng siyam na taon. Pero ipinagpalit niya ang kanyang  career niyang ito sa mga manok. Proud siya na ang pagmamanok na ang ibinubuhay niya sa kanyang pamilya. Si Lancey ang tipo ng magmamanok na hindi mahilig sa sugal. Kumbaga, ang pagmamanok sa kanya ay isang purong negosyo.

Sa mga anak ni Lancey ay nahihilig sa manok, pero ayos lang naman ito sa kanya. Basta siya ay ipagpapatuloy lang niya ang pagmamanok hangga’t mayroon siyang lakas.






                

Sunday, June 25, 2017

Watch: Ang Eskandalosong Sabungero

                                  

     Ang sabong na yata ang isa sa pinakamasayang sport sa mundo. Kitang-kita naman 'yan kapag pumapasok ka ng sabungan. Wari bagang may kung ano'ng klaseng emosyon na pumapasok sa pagkatao ng sabungero. Mayroong pa ngang mga napapa-tumbling at mga naghuhubad dahil sa sobrang kasiyahan.

     Sa video na mapapanood, isang Mehikanong sabungero ang tila ba nagwawala o sabihin na nating parrang nag-i-eskandalo. Sigaw kasi nang sigaw habang nanonood ng laban at parang mangiyak-ngiyak pa. Kalaki-laki ng katawan tapos ganito, hehe. Sabi nga nang mga nakapanood na sa video ay baka nakasangla ang bahay at lupa nito kaya masyadong hysterical.

Panoorin ang video:

Saturday, June 24, 2017

Kakaibang Gamefowl Training, Ok na Ok!

     
       Ang bawat sabungero ay may kanya-kanyang istilo nang pagsasanay o pagkukundisyon ng kanilang manok. Mayroong nagsasampi, nagkakaskas o 'di kaya'y pinapalipad nang mataas ang kanilang mga manok para maging maangat ito sa aktuwal na laban. Mayroon ding naniniwala sa hard training dahil naniniwala silang 'di dapat binibeybi ang manok dahil sa giyera sila sasabak. Kumbaga sa sundalo matinding training ang kanilang pinagdaanan bago isabak sa laban.

     Pero mayroon ding mga sabungero na ang gusto ay maiba kagaya na lang nang mapapanood sa video na mistulang hinihilo ang kanyang manok sa pamamagitan ng pagsasabit ng manok saka papaikutin para habulin nang sinasanay na manok. Marahil ito ay para sa foot work, para maging mabilis ang kilos ng manok.

Panoorin ang video:

Thursday, June 22, 2017

Sabong sa Burol ng Isang Sabungero, Viral sa Internet!


Sinasabing ang sabong ay passion kaya’t hanggang sa huli ang pagmamanok ay dala-dala ng sinumang tunay na sabungero. Pero alam mo ba na sa pambihirang pagkakataon ay mayroong isang sabungero na dinala hanggang sa kanyang kamatayan ang pagmamanok?

Viral ngayon ang video na ipinost ng Facebook page na Gallos Pasion del Mundo na sa burol ng isang Mehikanong sabungero ay nagpasabong pa ang mga kamag-anak nito. Marahil ang namayapa nilang kaanak ay napakahilig sa sabong noong ito pa ay nabubuhay.


Totoo ngang hindi natin madadala ang anuman sa hukay, pero puwede namang ipakita sa madla kung ano ang passion mo noong ikaw pa ay nabubuhay. Ikaw kasabong, gusto mo rin bang maging kagaya nito ang iyong burol kung sakaling ikaw ay namayapa na?

Panoorin ang video:

Trending: Karambola, Olala!


Karambola, ito ‘yung paglalaban-laban ng higit sa dalawang manok. Kumbaga sa wrestling ay royal rumble. Matira, matibay ‘ika nga nila.

Patuloy na kumakalat at pinag-uusapan ang video ng karambola na ibinahagi ng Sabong Ngayon page. Naagaw nito ang atensyon ng maraming sabungero dahil hindi ito isinagawa sa sabungan kundi sa isang patupada. Sinasabing kuha ito sa isang fiesta ng kung saan mang lugar. Bagama’t may mga natutuwa sa karambola, mayroon ding mga umaayaw dito dahil siguradong hirap ang manok dahil sa dami ng kalaban. Kumbaga kahit ano'ng galing ng manok mo rito ay malabo ang tsansa na manalo dahil sa huli ay isa lang naman ang dapat matira. Hindi gaya sa ordinaryong sabong na dalawa lang ang naglalaban kaya may tsansa ka, sa meron o sa wala lang.

Ikaw kasabong trip mo ba ang karambola?


Panoorin ang video:

Monday, June 19, 2017

Viral: Manok na Walang Tari, Nagpakitang Gilas sa Laban

       
        Likas na sa mga manok ang pagiging matapang. Lumalaban sila, may armas man o wala. Pero kung ikaw ang may-ari ng manok, papayag ka ba na bigyan ng partida ang iyong kalaban? ‘Yung manok mo ilalaban mo na walang tari, habang sa kalaban ay mayroong tari. Ang nasabing laban ay naganap sa Manibaug Paralaya, Porac, Pampanga.

       Usap-usapan ng mga sabungero sa social media ang ipinost na video ng Facebook user na si Tori Sentoki ang patungkol sa laban ng dalawang manok na may tari at wala. Makikita sa video kung paano ipinagtanggol ng walang taring manok ang kanyang sarili. Talaga namang kabilib-bilib dahil sa bandang huli ay napatakbo pa ang kalaban at nang pinapatuka na ng sentensyador ay ayaw nang tumuka. Kaya’t itinanghal napanalo ang manok na walang tari.

Panoorin ang video:

Sunday, June 18, 2017

Bata, Viral sa Internet Dahil sa Kanyang Kuwelang Reaksyon Habang Nasa Tupadahan


Marami sa mga sabungero, bata pa lang ay nag-umpisa nang magmanok. Madalas kasi silang isinasama noon ng kanilang tatay, lolo o tiyo sa sabungan. Kaya naman marami ang naka-relate sa video ng isang bata na kumakalat ngayon sa social media.

Sa video na ipinost ng Facebook user na ang pangalan ay Manok ni Kokong (Ricky O. Forzado), makikita ang isang bata kung makasigaw ay wagas habang pumupusta sa isang pasabong. Kitang-kita sa mukha niya ang kagustuhang manalo ng manok na kanyang tinayaan. Medyo may gigil kasi ito habang nasigaw. Naroon ang excitement ‘ika nga. Makikita rin na may hawak pa siyang isang daang piso. 


Bagama’t may mga natuwa o nakukyutan sa video ng bata, mayroon ding nagsasabi na ang bata pa nito para tumaya-taya sa sabong. Kaya’t dapat diumanong gabayan ng mga magulang ang batang ito. 

Panoorin ang video:

Saturday, June 17, 2017

Trending: Pulang Manok, Kinawawa ng Dalawang Puti


Sa pula, sa puti! Ito ang mga manok na naglaban sa isang viral video na kumakalat ngayon sa sabong community na ipinost ng Facebook fan page na Wakacare. Pero hindi  ito labanan sa pagitan lang ng dalawang puti kundi isa laban sa dalawa. Kapansin-pansin na mistulang pinagkaisahan ng dalawang puti ang nag-iisang pulang manok na sa huli ay natalo rin.

Maraming mga natuwang sabungero sa viral na video na ito dahil naiiba diumano ang laban. May mga nagbiro pa na baka magkapatid ang dalawang puti.


Panoorin ang video:

Tuesday, June 13, 2017

May-ari ng manukan, inireklamo kay Tulfo dahil sa ingay ng mga manok


Isang may-ari ng gamefarm na nagngangalang Gerald Garcia ang inireklamo sa Raffy Tulfo in Action dahil sa ingay ng mga alaga nitong manok-panabong. Ang nasabing farm ay nakatayo sa pagitan ng dalawang subdivision sa Gen.  Trias, Cavite.

Ang mga nagrelakmo ay sina Michael Osburn, isang dayuhan at ang Pinay nitong asawa na si Maria Osburn. Ayon sa mag-asawa, hirap silang makatulog dahil sa ingay ng mga manok. Mabuti raw sana kung sampu lang, ang kaso ay daan-daan ang mga ito. Inilapit na nila ang kanilang problema sa barangay, pero sinabi lang sa kanila na ang bawat Pilipino ay may karapatan na mag-alaga ng manok. Dahil dito ay nagpasya na silang ilapit ang kanilang problema sa programa ng batikang broadcaster na si Raffy Tulfo.

Agad namang inaksyunan ng programa ang problema ng mag-asawang Osburn. Tinawagan nila ang Mayor’s Office ng Gen. Trias at nangako silang gagawan nila ng aksyon ang problema ng mag-asawa. Kaugnay nito, agad nilang kinausap ang may-ari nang inirireklamong may-ari ng farm at nangako namang lilipat na lang ito ng farm. Nagkapirmahan pa sila ng kasulatan para sa nasabing pangako.


Nagpapasalamat naman ang mag-asawang Osburn sa mabilisang action ng Raffy Tulfo in Action. Kung masaya ang mag-asawa ay nakatanggap naman sila ng kritisismo mula sa mga sabungerong nakapanood ng reklamo. Ang mag-sawang Osburn dapat ang nag-adjust dahil baka wala pa sila sa lugar ay nakatayo na ang farm. Pero may mga nagsasabi rin na residential area ang naturang lugar kaya’t karapatan lang nila ang magreklamo kung naiingayan sila sa manok-panabong. 

Panoorin ang video:

Sunday, June 11, 2017

Blue Blade Farm of Engr. Sonny Lagon


Si Engr. Sonny Lagon ng Blue Blade Farm ay isa sa mga kilalang breeder sa bansa. Bago pa man siya maging World Slasher Cup ay marami na siyang naitalang magagandang record sa sabong. Kabilang na rito nang maging Stag Fighter of the Year siya ng UCAP noong 2000 at 2001. Bukod dito naging Cocker of the Year din siya nang naturang grupo mula 2002 hanggang 2003. Minsan na rin siyang naging Breeder of the Year at Stag Fighter of the Year ng  LGBA noong 2010 at 2012. Maliban sa mga ito ay marami pa siyang nakuhang titulo at kampeonato.

Hindi lamang isang breeder si Engr. Sonny Lagon, pinasok na rin niya ang online sabong. Isa siya sa nagmamay-ari ng Sabong Sports at kasama rin sa nagtatag ng World Pitmasters Cup kasama sina Atong Ang, Gerry Ramos at Gov. Eddie Bong Plaza.

Ang Blue Blade Farm ni Engr. Lagon ay matatagpuan sa Brgy. Lorenzo, San Pablo, Laguna. Dalawa ang kanyang farm at magkalapit lang ang mga ito. Una siyang nakilala dahil sa kanyang Sweater, kinalaunan ay nakilala rin ang kanyang Swites o Sweater Whites dahil nagpapanalo rin ito sa sabong.


Halina’t makisilip sa farm ni Engr. Lagon…

Saturday, June 10, 2017

Viral: Mga Manok Naglaban sa Labas ng Ruweda!


Maraming mga netizens ang natuwa sa ipinost na video sa Facebook page na Koleksyong Batangueno. Paano kasi kahit nasa ibaba na ng ruweda ang mga manok ay tuloy pa rin ang laban.

Makikita sa video na matapos makauna ng palo ang isang manok ay napatakbo bigla ang kalaban. Pero sinundan pa rin ito nang nakatamang manok hanggang sa ibaba na sila ng ruweda naglaban. Habang nagbabakbakan ang mga manok ay nagpaalala ang announcer na mag-ingat sa mga taong nakapaligid sa manok at baka matamaan sila ng tari.

Panoorin ang video:

Wednesday, June 7, 2017

Trending: Sultador na Dumampot ng Manok, Muntik Nang Madisgrasya!


         Pinag-uusapan ngayon sa social media ang ginawa ng isang sultador na basta na lang dinampot ang manok kahit ito ay nabitawan na. Makikita sa video na naka-post sa Online Sabungero Ka Ba? Pasok ka Dito. isang sultador na pagkadampot niya ng kanyang manok ay sumusugod na ang kalabang manok habang nagpapalag naman ang hawak niyang manok. Dahil dito ay nagkatakbuhan ang mga nasa gradas para makaiwas sa tama ng tari.

        Wala namang nasugatan sa nangyaring insidente. Pero nakatanggap ng mga negatibong komento ang dumampot ng manok mula sa mga sabungerong nakapanood nito. Anila’y mukhang wala itong tiwala sa kanyang manok kaya’t kinakailangan pa niyang damputin. Dapat daw ay tinamaan na lang ito ng tari para nadala. Dapat din daw ay ‘di na ito pagbitawin pa ng manok.

Panoorin ang video:

Monday, March 27, 2017

Brotherhood in Cockfighting


The thing about cockfighting is that majority never experienced the positive aspect of the sport. It’s really hard to comprehend the life of cockers as another dimension of the righteous people. But you know, cockers are one of the friendliest persons in the world because it is easy for them to connect in any they can.

Meeting them in a casual way could give you the environment that you never experienced before. They are very gentle and open to any subject during the entire conversation. Well, maybe, cockfighting as a sport gives an aura of brotherhood instinct especially when the topic about chickens – it seems that there will be no tomorrow.

Cockers are very modest not only because they are honest with their dealings but because of the bond that binds them all. The information that they shared is very informative to your likings and never goes astray. The sportsmanship within each cocker is truly vulnerable to misbehaviour.

Betting is part of the game and cockers don’t have any bad feelings to anyone when lost in competition. They knew that cockfighting is a friendly game; not just a competition. Actually, they reach out to competitors and congratulate them for their success. Nothing is personal for them but it’s just a game all throughout. They made a better person out of cockfighting because there’s always a next time to excel someday.

Facebook and other social media add to the brotherhood of cockers. The friendship goes beyond to the actual event in the cockpit arena. Well, of course, knowing someone in the virtual world means gaining the bond for each cocker. There’s a feeling that they are allied and they will also appreciate us. This is the beginning of another friendship and connections. This is the reason why many cockers had already reached the maximum amount of friends in Facebook and nowadays, internet plays a vital role in cockfighting.

The bond and friendship in cockfighting world is not only limited inside the cockpit but also in social media. It is not just about chicken talk; it also extends to personal lives. Some of the cockers met because of business partnership, supplier or any other concepts about chickens. And, that’s the start of good business relation with each other.

Well, that’s the magic of cockfighting. Many cockers testifying that since they involved with our sport the number of friends was tremendously increased. Thus, given much time to reflect with this kind of trade, it will continue to expand otherwise.

The circle of friend gives much confidence to every cocker and camaraderie is very strong. It’s like a fraternity in military wherein relationship blossomed overtime. The important aspect is cockfighting have unity to nurture and make a stand to fight against from the groups who are against cockfighting.

Majority knew that cockfighting as a sport is getting better compared to the previous years. This is happening now because of fervent support by cockfighting enthusiasts to the industry. It really helped the economy by creating gamefowl products and other services.

Here lies the fun and enjoyment coupled with friendship; cockfighting brotherhood moves its height in the future.



Sunday, March 26, 2017

Entry Names in Cockfighting


Nowadays, different companies have their own ways in reaching-out for their customers or clients. The marketing strategies that they apply in order to capture the locals and people around the world with ease are very normal. The very essence of entry names in all aspects of business-related establishments are clearly seen in the modern technology.

In cockfighting, entry name in joining a derby is a must to distinguish the owner or the team involved. Likewise, the opportunities to advertise the sponsor, company or the name of the owner’s farm itself. Moreover, cockers really wanted to be connected to the winning name by default. And, of course, the fame and the business endeavour related kind of influence and connection.

Integration with the sponsor name is the most common wherein recognizing their help to this trade. Without them, maybe we can’t join in a derby have a high pot money.

Some cockers joining a derby would use the name of their loved ones as entry name. There are different reasons why they’re doing this way.  Sometimes, other cockers believed for the luck when doing so. Well, as always, using names that captures any cockers’ heart would advantageous to them. The entry name is a matter of personal choice for individual cocker.

The most common from breeders or cockers point-of-view is that advertising the products name could elevate the products into another dimension. Knowing the positive aspects of spreading the name of the products and services can be truly gain fame and revenues in the long run.

Advertised business products from suppliers could give sponsorship to cockers and breeders alike. Promotion is a way of life and every business needs to be pushed through the target market especially cockfighting. We knew for sure that this is the marketing strategy of every establishment that caters to chickens.

Remember the name “Thunderbird” - an entry is owned by a big company of gamefowl products. It is the entry name of Amado Araneta! Then, other entries are promoting a particular date of a derby. So, by doing this they are inviting the audience to join also to their derby. They encouraged target potential customers as easy as ABC.

Different entry name connotes different concepts of the gamefowl products that came along with it. But the thing is, it must be masculine in form and meaning (especially for the feeds and health of chickens) like Toro, Cobra, Lion, etc. While other cockers like to use the word like terminator, assassin and any other strong words. What would be your reaction if you hear that there is an entry has a name like this?

Therefore, luckily, cockers can really distinguish the entry names when joining a derby. An attention-catching name can give luck to your fighter chicken in return. It’s like a trademark of your endeavor in cockfighting and personality as well. Recognition for your entry as an owner can help uplift your self-esteem.




Friday, February 10, 2017

Labanan ng Cockerels, Trending sa Social Media!

                                         
        Kumakalat ngayon ang video kung saan makikita na ang dalawang cockerels ay pinagsasabong. Nangyayari ang ganitong laban sa Bali, Indonesia. Gaya nating mga Pinoy ay mahilig din ang mga tao roon sa sabong o pagmamanok. Maraming sa mga sabungero na natuwa dahil kahit ang babata pa ng mga manok ay makikitaan na sila ng gameness. Biro naman ng iba na sa ginagawa nila ay di na ito aabot sa stag derby dahil sisiw pa nga lang ay inilalaban nila. Tipid daw sa patuka kapag ganito. Hiling pa nga ng iba, sana ay magkaroon din ng ganito sa Pilipinas.

Panoorin ang video:

Saturday, February 4, 2017

How to be a Promoter in Cockfighting?


In a any business world today, marketing and promotion are the vital aspects in spreading the concept of every business either in the internet or traditional ways. Business-minded entrepreneurs are moving their butts to create things that dictate to their likings and more than that, the new innovations always the focus of every organization to eliminate failures.

Moreover, in cockfighting industry promotion too, is very important to gain followers and instil trust to every breeders and cockers. Usually, promoters of this kind of trade had experienced difficulties in organizing such events. It’s not easy but it can develop into an enterprising world wherein the gamefowl industry could be your own shell for resources.

According to some promoters, organizing a derby is an easy task. It doesn't mean that if you have a bunch of money, you can do it already. There are many things you should consider before you can proceed to your plan.

First and foremost, is that you know what you are doing and the goals that come with it. Secondly, you are trusted by the industry and your integrity speaks with your personality. Other criteria are: they are accepting all the invitations that they are receiving from other promoters. It means that they are investing their money, time and effort. So, next time, they can also invite the people who invited them. It is just a matter of give and take or give and you shall receive. This is their way to become familiar to many cockfighters. Lastly, you need to be friendly if you want to widen your network and influence. So, you must use your PR skills to get the favor of everyone. You need to act like a politician and an admirer who really knows how to court their prospect. But you need to be an honest at all time to build your integrity as a promoter.

With your own resources you can start planning for the cock derby in advance. Laying your knowledge to the different facets of cockfighting and finding ways to move upward with your enthusiasm. It is not necessary that you have a cockpit before you can conduct a derby. Just look for a cockpit that willing to give a schedule for your derby. Talk to the cockpit manager and ask about the details regarding their requirements and rules and regulations.


But always remember that before you close the deal make sure that you have already a concrete plan to your derby. You can devise the actual setting that you think is right for your goals. Like, is it a stag derby, fastest kill, or new style? How much is the pot money, minimum bet and of course the prizes? It is better if it is affordable? So, many cockers can join to your derby. Make sure also that the prize is guaranteed.

Utilize your knowledge in marketing and promotion to gather enough cockers to know the derby. If possible, find a sponsor to help you out with your expenses and prizes. There are many companies out there who are willing to give sponsorship for a derby. Just send them your proposal and state what will be their benefits if they tie-up with you. Do also some gimmicks to get the attentions of your the attendees. Hire movie personalities if you can, organize a beauty contest or singing contest, or a show related to cockfighting.

The last thing you need to do is you should focus on the operation-side and marketing strategy. Your team should be knowledgeable with the event and fully utilize their productivity. Invite cockers or people with influence that could create positive image to your derby and to yourself.




Manok na Dalawa ang Naging Kalaban, Viral sa Internet!

         Pinag-uusapan ngayon ng mga sabungero sa social media ang video ng isang tupada kung saan dalawa ang naging kalaban ng isang manok. Pagkatapos kasing manalo ng manok ay inilaban uli ito sa isa pa at nanalo uli. Marami tuloy sa mga nakapanood ang humanga dahil sa husay nang naturang manok. Anila'y kakaiba ang power at gameness mayroon ang manok na ito.

Panoorin ang video:

Wednesday, February 1, 2017

Doc Ronnie Magbalon: Astig na Bulik Breeder


            Kung mayroong beterinaryo ng manok na kilala sa bansa, isa na rito si Doc Ronnie Magbalon ng RGM Gamefarm. Katunayan, naging consultant na siya ng mga may-ari ng malalaking farm gaya nina Nene Araneta, Bong Pineda, Boy Gamilla, Chito Reyes at iba pa. Bukod dito ay minsan na rin siyang itinanghal bilang BAKBAKAN champion, ito ay noong 2010 kasama ang kanyang kumpare na si Engr. Ralph Daigo. Karamihan ng mga manok na ginamit nila rito ay ang Bulik. Nakaiskor sila ng 9 wins at 1 draw. 

            Ang Bulik ni Doc Magbalon ay nakuha niya mula kay GenGen Arayata na minsan na rin naging BAKBAkAN champion at naging back-to-back champion pa sa World Slasher Cup. Nagustuhan niya ang Bulik dahil matalino ito. Kaya raw kasi nitong mag-adjust sa anumang klase ng laro ng kalaban. Naniniwala siya na kapag magaling ang paa ng manok ay 'di na kailangan ng maraming palo. Kung kaya't 'di na niya masyadong pinagtutuunan ng pansin ang fighting style ng manok.

             Pero alam n'yo ba mga kasabong, na kahit noong bata pa lang si Doc Ronnie ay mahilig na talaga siya sa Bulik? Nagkataon lang diumano na nakakuha siya ng Bulik sa isang respetadong breeder pagkatapos ay dinebelop na lang niya ito.

            Para kay Doc Ronnie, hindi lang ang karangalan ang kanyang natamo noong siya ay magkampeon sa BAKBAKAN kundi naging tulay din ito para makatulong siya sa mga backyard breeder. Ito ay sa pamamagitan ng pagbabahagi niya ng kanyang kaalaman sa pagmamanok tuwing siya ay naiimbitahan na magsalita sa seminar.


Saturday, January 28, 2017

Dating BAKBAKAN Champion na si Mayor Bobby Clemente, Pumanaw na


Pumanaw na si Mayor Bobby Clemente ng Paoay, Ilocos Norte, isang masugid na breeder at sabungero. Ayon sa ulat, pumanaw ang butuhing alkalde habang siya ay naglalaban ng manok sa loob ng sabungan.

Si Mayor Clemente ay kabilang sa mahabang listahan ng mga nagkampeon sa BAKBAKAN na inuorganisa ng FIGBA, dating kilala sa tawag na NFGB. Nagkampeon siya rito noong 2004.

Wednesday, January 25, 2017

2 Tauhan ng NBI, Nagbarilan Dahil sa Pusta sa Sabong, 1 Patay


               Nasawi ang isang security officer ng National Bureau of INvistigation (NBI) matapos itong makipagbarilan sa kapwa niya taga-NBI. Nangyari ang insendente sa Bgry. Dolores, Capas, Tarlac noong Enero 25 ng ng gabi.

Kinilala ang biktima na si Laverne Vitug, 51-taong gulang at residente ng Tarlac City. Habang ang suspek naman ay kinilala na si Atty. Boy de Castro,isang intellegence officer ng NBI. Batay sa inisyal na imbestigasyon ng kapulisan, nasa loob ng sabungan ang dalawa at nagkapustahan. Nang hindi magkabayaran ay nagkaroon sila ng mainit na pagtatalo. Hanggang sa mauwi ito sa barilan.

  Nagawa pa diumanong isugod sa ospital ang biktima subali't idineklara ito na dead on arrival. Kasalukuyan namang pinaghahanap ng pulisya para panagutin sa ginawa nitong krimen.
Source: abscbn.com

VIral: Manok na Parang Machine Gun sa Bilis, Bumida!


Maraming mga sabungero ang napabilib sa video ng isang sabungero na kasalukuyang kumakalat sa social media. Paano ba naman kasi ay sobrang bilis pumalo ng kanyang manok nang i-spar niya ito sa dummy training rooster. 'Ika nga nang mga nakapanood ay para itong machine gun. Marami tuloy sa kanila ang gustong magkaroon ng ganitong klase ng manok. Sigurado na raw kasi ang panalo kapag ito ay kanilang isinabong!

Panoorin ang video: 

Monday, January 23, 2017

Sabong sa Mexico, Astig!

            Pinag-uusapan ngayon ng mga sabungero ang isang pasabong sa Mexico dahil talaga namang napakaganda ng laban. Katulad nating mga Pinoy ay mahilog din sila sa sabong. Katunayan, madalas din silang mag-upload sa social media ng mga sabong videos, Pasabong man sa kanilang bansa o dito sa atin.

          Sa video, makikita na mahigit isang minuto nagpakiramdam ang manok na magkalaban. Pero ilang segundo lang ay tapos agad ang laban. Ang nagwaging manok ay pag-aari ni Humberto Santa Maria.

Panoorin ang video:

Wednesday, January 18, 2017

Taga-bitaw ng Manok, Tinamaan ng Tari

        Ang pagbibitaw ng manok sa ruweda ay basta-basta kaya't kinakailangan ng ibayong pag-iingat. Dahil kung hindi ay tiyak na disgrasya ang aabutin, sa talim ba naman ng blade. Nangyari na ito sa isang sentensyador sa New Tarlac Coliseum. Pinagpapalagay ng mga nakakita na pinalo ito ng manok dahil nakasuot siya pajama na may kulay-pula. Kaya't payo pa ng ilan na iwasang magsuot ng ganitong kulay lalo na't isa kang sentensyador.

         Ganito rin ang sinapit ng isang taga-bitaw nang biglang pumihit sa kanya ang paa ng manok matapos niyang pingutin ang manok kahit wala na itong baena kaya't nagpupumiglas ang manok. Mabuti na lang at alisto ang sentensyador at nakuha agad ang manok dahil kung hindi baka mas malaking disgrasya pa ang inabot ng taga-bitaw.

      Nangyari ang insidente sa may Oquendo Galera, Calbayog City.

Panoorin ang video:

Gamefowl Livelihood sa Calaca, Batangas, Patok!


Proud na ibahagi ng isang Facebook user  na si Carling Jolongbayan Magpili ang mga larawan nang isinasagawang proyekto ng Calaca Mayor na si Sofronio Manuel C. Ona. Ang mga kuhang larawan ay pinamagatang "Ganito Kami sa Calaca". Makikita rito ang kalalakihan na may hawak-hawak na mga cock box. Naganap ang pamimigay ng mga manok sa Munisipyo ng Calaca.

Si Mayor Ona ay isang gamefowl breeder at ang isa sa kanyang naisip na proyekto ay ang pagkakaloob ng mga manok sa kanyang mga kababayan para makatulong sa kanilang kabuhayan. Hindi hinihikayat ng alkade ang mga napagkalooban ng manok na isabong ito bagkus ito ay kanilang pararamihin at saka ibibenta.

       Si Mayor Ona ay kasalukuyan nang nasa kanyang ikatatlong termino. Sa loob ng kanyang panunungkulan ay marami na sa kanyang mga kababayan ang nakinabang sa ginagawa niyang gamefowl livelihood.