Thursday, September 21, 2017

Biboy Enriquez: Girl Power in Firebird Gamefarm

   
       Hindi maikakaila na marami nang mga babae ang nagmamanok ngayon o involved sa sabong. Bakit naman hindi? Eh, napakaganda nitong dibersiyon at naging hanapbuhay pa ng marami. Kaya't 'di na nakapagtataka kung bakit pinapasok na rin ang sabong ng kababaihan. Siyempre, welcome naman ang lahat sa may gusto itong pasukin. Mapa-lalaki man o babae.

     Siguro ay may mga nagtataka kung bakit may may mga babae na farm worker ang Firebird Gamefarm na pagmamay-ari ni Biboy Enriquez. Unang-una nga r'yan ang tinaguriang 'Prinsesa ng Tari' na si Robie Yu Panis. Kaya't naisipan namin na tanungin si Biboy kung bakit may mga babae na nagtatrabaho sa kanyang farm. Hindi lamang bilang sekretarya kundi marurunong ding humipo ng manok at marunong ding magbitaw. May advantage nga ba kapag babae ang trabahador mo sa farm kumpara sa lalaki?  

Panoorin ang video: 

Lakas ng Cobra Line


      Marami ang umaayaw sa manok na Cobra dahil sa pangit nitong hitsura. Paano kasi ay mahaba ang leeg nito at wala pang balahibo. Kung kaya't ang iba ay minamaliit lang ang ganitong klase ng manok kapag nakatatapat nila sa sabungan. Pero may mga kuwento na napahiya ang ilang sabungero matapos na talunin ang kanilang manok ng isang Cobra. Naisip nila na 'di pala dapat ito minamaliit dahil may ibubuga rin naman. Kung wala sana ay wala nang nag-aalaga nito.

     Ano nga ba ang mayroon sa Cobra at pinapalahi ito ng ilang breeder? Gusto lang ba nilang maiba sa karamihan kaya't nag-aalaga sila ng ganito? Ibabahagi sa atin ni Makuri Makuru ng Cainta, Rizal kung bakit napili niyang palahiin ang Cobra. Ano ba ang mga katangian ng manok niyang ito? Nasubukan na niya ba ito sa laban kung kaya't kanyang iniingatan?

Panoorin ang video:

Wednesday, September 20, 2017

Bacolod Black Gold Farm of Benedicto Brothers


          Isa sa mga tinitingilang gamefowl breeder sa Bacolod ay ang magkapatid na Melque at Chito Benedicto ng Bacolod Black Gold Farm o kilala rin sa tawag na Valentina Killer Greys . Minsan na silang itinanghal na kampeon sa International Candelaria Derby noong 2012.  Nang taon ding ‘yun ay nagwagi sila sa NGBA 8-StagDerby at Pasasalamat Derby sa may La Carlota, Negros Occidental.

Ang kanilang farm ay matatagpuan sa Bago City, Bacolod. Malapit lang ito sa farm ng yumao nang si Mayor Juancho Aguirre at Boy Jimenez. Napakaganda ng kanilang farm dahil bukod sa napakalawak ay napakaganda ng tanawin. Mayroon pa kasing falls dito. Alam n’yo ba na itinuturing ng DENR na sanctuary ang kanilang lugar? Marami kasing endangered species sa kanilang farm.

Ang Benedicto Brothers ay mahilig sa old lines kumpara sa mga bagong dating na mga linyada. Mas subok na raw kasi ito kaysa bago. Ang kanilang bloodlines ay binubuo ng Greys, Lemon, Gold at iba pa. Siyempre, mayroon din naman silang mga bagong bloodlines gaya ng Albany, Sweater at Roundhead. Ginagawa nila itong pang-testing sa mga dati nilang bloodlines.


Tara at silipin natin ang farm ng Benedicto Brothers!

Ruben Escover: Astig na Mananari ng Antipolo


       Ang pagtatari ay napakadelikadong trabaho dahil kapag pumalag ang manok at 'di mo napiit ay siguradong matatamaan ka. Masuwerte kung bahagyang sugat lang ang matamo, ang masama ay ang masawi nang dahil dito. Kaya nga kinakailangan nang ibayong praktis bago ito gawing propesyon. Bukod sa pag-iingat, napakaraming sipat ng tari na dapat pag-aralan. Depende na rin sa paa at istilo ng laro ng manok.

     Tara at kilalanin natin ang isang bihasang mananari na si Ruben Escover, tubong Cavite pero naninirahan na ngayon sa bayan ng Antipolo, Rizal. Ikukuwento niya kung paano siya nagsimulang magtari. Sasagutin niya rin kung paano ang kitaan sa propesyon na ito. Anu-ano'ng dapat tandaan ng isang mananari at iba pa.

Panoorin ang video:

Renegade Gamefarm of Rene Adao

                                   
        Si Rene Adao ay maituturing na isa sa magagaling na gamefowl breeder sa bansa. Sumikat siya sa kanilang lugar sa  Batangas nang minsang magkatapat sila ni Patrick Antonio at talunin niya ang ang manok nito. Nangyari ito noong taong 2001.  Naging champion na rin siya sa World Slasher Cup noong 2014.

      Ang farm ni Rene ay tinatawag na Renegade Gamefarm at matatagpuan ito sa San Luis, Batangas. Ang kanyang pinaka-signature line niya ay ang Kelso. Magaling daw kasi itong tumiyempo. Magaling ito mapa-itaas man o sa ibaba. Bukod sa nasbaing bloodline ay mayroon din siyang Grey, Sweater at Gold.

      Si Rene ang tipo ng breeder na 'di tumitingin sa quantity kundi sa quality ng manok. Katunayan ay nasa 150 lang ang bilang ng kanyang mga manok. Pero piling-pili ang mga ito.

     Tara at silipin natin ang farm ni Rene!

Tuesday, September 19, 2017

CRB Gamefarm of Boy Tanyag

     
      Ang Laguna ay maituturing na tahanan ng mga gamefowl breeders dahil maraming mga farm ang nakatayo rito kabilang na ang CRB Gamefarm na pagmamay-ari ni Boy Tanyag. Siya ay minsan nang nag-champion sa BAKBAKAN na itinuturing na isa mga pinakamalaki at prestihiyosong pasabong sa bansa.

     Ang CRB ay matatagpuan sa San Pablo, Laguna. Tinatayang may sukat ito na mahigit anim na ektarya. Maganda ang lokasyon ng farm ni Boy dahil napapalibutan ito ng kabundukan kaya't maganda itong pag-alagaan ng manok. Ang kanyang mga bloodline ay binubuo ng Sweater, Kelso, Hatch at iba.

     Bukod sa pagiging breeder, si Boy ay agisilbing kapitan sa isang barangay sa Quezon City. Katulong niya sa pagpapatakbo sa kanyang farm ang kanyang manager na si Eddie Pontera na itinuturing ng CRB na kanilang alas o pambato sa pagmamanok.

    Halina't silipin natin ang farm ni Boy!

Monday, September 18, 2017

Mga Katangian ng Peruvian


       Dati-rati ay 'di pinapansin ng mga Pinoy breeder ang Peruvian dahi sa 'di maganda nitong hitsura. Malayo kasi ang hitsura nito sa Western fowls na karaniwan nang pinapalahi sa atin. Pero bigla na lang sumikat ang Peruvian matapos na mapansin ang lakas nito at istilo sa paglalaro. Sa ngayon ay marami nang nagbi-breed nito sa Pilipinas. 'Yun nga lang ay mas mataas ang presyo nito kumpara sa Western fowls.

      Anu-ano nga ba ang magagandang katangian ng Peruvian. 'Yan ang sasagutin ni Raymond Ocampo ng Emongski Gamefarm. Siya ay isang Peruvian breeder at naging manager sa isang malaking farm sa Bali, Indonesia. Uso rin sa bansang 'yun ang pagsasabong ng Peruvian. Kaya't kung Peruvian lang ang pag-uusapan kabisado na ito ni Raymond.

Panoorin ang video:

Biboy Enriquez: Advice sa Mga Magmamanok

                                     
       Paminsan-minsan ay 'di naman masama makinig sa payo ng iba lalo na't matagal na sila sa pagmamanok. Marami kasi tayong mga teknik at aral na makukuha sa kanila. At kung sakali mang napakinggan natin sila, pulutin ang alam mong tama o akma sa iyo. Hindi naman nila sasabihin sa iyo 'yan kung hindi nila naranasan o naobserbahan sa iba.

      Pakinggan natin si Biboy Enriquez ng Firebird Gamefarm sa kanyang mga payo hinggil sa pagmamanok. Mula pagtaya sa sabong, pangangalaga sa mga tauhan sa manukan at pagpapalahi ng manok. Bilang isang beteranong magmamanok, siguradong may impact ang kanyang mga salita lalo na't marami ang mga umiidolo sa kanya. Ang pagbabahagi niya ng kaalaman sa sabong o pagmamanok ay paraan niya para makatulong sa iba. 

Panoorin ang video:

Sunday, September 17, 2017

Pag-apak ng Sisiw sa Lupa


             Iba-iba ang sistema ng mga breeder pagdating sa pag-aalaga ng mga sisiw. May mga nagsasabi na isang linggo muna ang kanilang pinalilipas bago ito patapakin sa lupa. Dahil sisiw pa lang ay napakahina pa kanilang resistensya. Kapag pinaapak mo raw sa lupa ay maaari itong kapitan ng viruses na magdudulot ng sakit sa sisiw.

Pero mayroon din ilang mga breeder na kahit kalalabas o ilang araw pa lang nabubuhay ay pinapatuntong na nila agad sa lupa. Ginagawa nila ito dahil naniniwala silang sa pamamagitan nito ay magiging matibay ang sisiw. Habang nasa lupa ang sisiw, siyempre sinasabayan nila ito nang pagbibigay ng multi-vitamins. 

Kung si Charlie Cruz ng Candice Jean Gamefarm ang tatanungin, ano kaya ang kanyang ginagawa sa sisiw, nag-aantay pa ba siya ng ilang araw bago niya patapakin sa lupa? O siya ang tipo ng breeder na  na naniniwala sa pangalawang sistema na nabanggit?

Panoorin ang video:

Tikas ni Lolo Chicken

                                 

       Sa panahon ngayon ay masasabing ‘di na basta-basta ang mga backyard breeder dahil ‘di puwedeng maliitin ang kanilang manok. Maalam na rin kasi sila sa pagmamanok dahil maraming impormasyon na makukuha kung saan-saan. Hindi kagaya dati na maraming isinisekreto ang mga unang sabungero. Siyempre nga naman bentahe nila ito sa kalaban.

       Oo nga’t konti lang ang alagang manok ng mga backyard breeder. Pero ‘di naman makikita ‘yan sa quantity kundi sa quality. Marunong na rin silang mamili ng magagandang materyales. ‘Di porke’t backyard ay dumadampot na lang sila ng manok kung saan. Ginagawa rin kasi ng iba sa kanila na negosyo ang pagmamanok. Kaya’t dapat ay maganda rin ang kanilang maprodyus.

      Isa si Elpidio Enrique o mas kilala sa kanilang lugar sa Antipolo bilang ‘Lolo Chicken’. Sa mga backyard breeder sa bansa na makikitaan ng galing at magandang pananaw sa pagsasabong. Para lalo natin siyang makilala, mabuti pang alamin natin ang kanyang kuwento.

Panoorin ang video:

Saturday, September 16, 2017

Sabong sa Araw ng Fiesta, Patok sa Mga Pinoy!


Wala nang sasaya pa sa mga kapistahan sa Pilipinas. Tuwing fiesta ay talaga namang napakaraming handang pagkain sa mga kabahayan, may mga palaro, sayawan, concert, perya at kung anu-ano pa. Siyempre, hindi rin mawawala ang sabong!

Ito ang panahon kung saan ang tupada ay nagmimistulang ligal dahil hinahayaan lang ito ng mga kapulisan at ng barangay officials na mangyari. Total naman ay minsan lang sa loob ng isang taon nagkakaroon ng fiesta. Pagkatapos na lang nila huhulihin ang mga nagpapatupada, hehe.

Dahil fiesta, natural na mas block buster ang tupada dahil siguradong maraming mga dayo ang makikisali o makikipanood. Dahil sa sabong ay nadadagdagan ang makulay na kapistahan nating mga Pilipino. Siyempre, kapag fiesta ay bumabaha ng alak kaya’t sa ganitong panahon ay magtira ng katinuan para iwas-gulo kapag nasa tupada.

Tunay nga namang wala nang tatalo pa sa kapistahan nating mga Pilipino dahil maging ang sabong ay naging bahagi na nito.


Panoorin ang video ng tupada sa Brgy. Talisay, Negros Occidental, Mindoro noong araw ng kanilang kapistahan. Ito ay ibinahagi sa Sabong Ngayon ni Jack Katipunan, residente ng nasabing barangay.  

Naglulugon na Manok, Puwede bang Isalang?

                           
      Ang paglulugon o paglalagas ng balahibo para mapalitan ng bago ay natural na pinagdadaanang proseso ng mga manok. Sa panahong ito ay sumasakit ang kanilang katawan. Kaya't kinakailangan muna nila ng pahinga. Dapat silang alagaang mabuti para maging maayos ang kanilang paglulugon.

      Pero mayroong mga breeder na nagtatanong kung puwede bang isalang o palahiin ang manok kahit 'di pa tapos ang paglulugon nito? Tutal naman daw ay semilya naman ang kailangan sa pagpapalahi.

Ano kaya ang masasabi ni Osang Dela Cruz ng Goldquest Gamefarm at endorser ng LDI hinggil sa paksang ito?

Panoorin ang video:

Friday, September 15, 2017

Robie Yu Panis: Advantage ng Babaeng Nagmamanok

                       

   Talaga namang napakarami ng mga babae ang nagsasabong ngayon matapos nilang matuklasan na napakaganda pala ng sabong. Bukod pa kasi nakalilibang ito nang husto ay marami rin itong mga taong natutulungan. Paano ba naman kasi ay napakaraming mga negosyo at trabaho itong nabuo. Kaya't ano pa ba ang hahanapin mo rito?

    Hindi porke't babae ay puwede na natin silang maliitin. Gaya nga nang sinasabi ng reyna ng sabong na si Osang Dela Cruz, kung ano'ng kayang gawin ng lalaki ay kaya ring gawin ng babae. Manok lang naman dito ang naglalaban at 'di mga tao.

Pero may advantage nga ba kapag babae ang nagmamanok o nagsasabong? Kung meron, anu-ano ang mga ito. Mabuti pa sigurong tanungin na lang natin ang tinaguriang 'Prinsesa ng Tari' na si Robie Yu Panis ng Firebird Gamefarm.

Panoorin ang video:

Pag-ibig Dahil sa Manok (Tanya and RitszQi Story)

                                 
         Masuwerte ang magmamanok na ang kanilang kapareha o asawa ay naiintindihan ang kanilang ginagawa. Mas madali o magaan kasing gumalaw kapag ganito ang sitwasyon kumpara sa mayroong kumukontra. Malamang na lagi lang away ang mangyayari kapag 'di mo kasundo ang iyong kapareha sa iyong hilig sa pagmamanok. Mayroon na tayong mga narinig na iniwan ng babae si lalaki dahil sa pagsiselos nito sa manok.

         Pero maniniwala ba kayo na puwede ring maging Kupido o tulay ang manok sa pag-iibigan ng dalawang nilalang? Oo mga kasabong, tama ang nababasa n'yo. Ganito kasi ang nangyari sa model at breeder na si Tanya Nacion at sa kanyang boyfriend na si RitszQi ng Indonesia. Nang dahil sa manok ay nagkahulugan sila ng loob. Kung paano nangyari 'yun ay ikukuwento sa atin ni Tanya.

Panoorin ang video:

Thursday, September 14, 2017

Biboy Enriquez: Manok na Ayoko

                             
          Lagi na lang nating napapag-usapan kung ano ang gusto natin sa manok. Halimbawa, ang gusto natin sa manok ay balansyado ang katawan. Tapos katamtaman lang ang height. Pagdating naman sa fighting style, mayroong ang gusto ay angat-sarado at mayroon din naman na ang gusto ay abang lang. 'Di sumasabay sa kalaban, hinihintay lang na makababa ang kalaban saka nito aatekihin. Bihira lang sa atin ang nagtatanong kung ano naman ang ayaw natin sa manok.

        Kung tatanungin si Biboy Enriquez ng Firebird Gamefarm, ano kaya ang ayaw niya sa manok? Physical man ito characteristic. Mabuti pa ay alamin mismo natin sa kanya ang sagot at tiyak na mayroon tayong mapupulot na ideya sa pagmamanok.

Panoorin ang video:

Gusto Mo ba ng Karambola?


Marami ang natutuwa sa karambola o labu-labong labanan ng manok. Madalas itong mangyari sa mga tupada at paminsan-minsan ay nagkakaroon din nito sa sabungan. Nakatutuwang panoorin dahil matira ang matibay. Biruin mo sa dami nang magkakalaban na mga manok ay iisa lang ang mananalo. Tiyak na kabibiliban ang may-ari ng manok na manalo. Tatanungin ito ng mga manunood kung ano’ng klase ang ginawa niyang pag-aalaga at pagkukundisyon.

Sa kabilang banda, mayroon ding mga ‘di natutuwa sa karambola. Kabilang na r’yan ang mga kumukontra sa sabong. Bakit daw kailangang paglabu-labuin ang  mga manok? Gayung dalawahan nga lang ay malupit na, karambola pa kaya? Siyempre, ganito ang kanilang pananaw dahil kontra o anti-sabong sila. Kaya’t ano pa ba ang maaasahan nating maganda mula sa kanila?

Mayroon din namang ilang mga sabungero na ayaw ng karambola dahil mahirap manalo sa ganitong klase ng labanan. Doon na sila sa dalawahan lang, napakalaki kasi ng tsansa na manalo. Meron o wala lang kasi ang pinag-uusapan. Nasasayangan lang sila sa manok kaya’t ayaw nilang sumali sa karambola. ‘Di mo raw kasi masusukat ang kakayahan ng manok kapag ganito. Sa dami ba namang pumapalo, ‘di na alam ng manok kung alin ang uunahin. Baka nga manalo pa ang manok na magaling umiwas. Siyempre, ‘di nga naman ito mapapagod at tatamaan.

Pero para sa mga taga-tangkilik ng karambola, masaya talaga ito dahil talagang ibang klase  ang labanan. ‘Di na nila iniisip kung mananalo o hindi ang kanilang manok. Basta’t nai-excite sila rito, ‘yun lang ay sapat nang kabarayan para sa kanila.

Kapansin-pansin din na kapag karambola ay mas maingay ang hiyawan ng mga tao. ‘Di sila magkamayaw sa panghuhula kung aling manok ang mananalo. Mahirap kasi ang manghula dahil sa dami nang manok na kasali. Ikaw kasabong, gusto mo ba ng karambola?

Panoorin ang video:

Tuesday, September 12, 2017

Sabungero, Nabiktima ng Pekeng Rafael Araneta Fb Account


Pinag-iingat ang mga sabungero sa pagbili ng manok online dahil isa na namang kasabong ang nabiktima ng manggantso gamit ang fake account ng sikat na breeder na si Rafael 'Paeng' Araneta na nakilala sa bloodline na Lemon ’84.

Ayon sa Facebook user na si Odnalor Ocinac ay umorder siya ng trio sa halagang aabot ng 20 thousand pesos mula sa inakala niyang totoong Fb account ni Rafael Araneta. Pero nang makabayad siya ay ‘di na siya makapag-mesagge pa dahil na-blocked na siya.

Sa salaysay ng biktima, 35 thousand ang presyo ng trio nang kanyang kausap. Pero binigyan siya ng discount kaya 25 thousand pesos na lang. Pinag-down siya nito ng 10 thousand pesos para ma-reserve sa kanya ang trio. Pagkatapos ay hiningan na lang siya ng karagdagang 10 thousand pesos, sa halip na 15 thousand pesos. Pagkabayad daw niya ay saka nito ipapadala ang inorder niyang trio. 

Ipinakita niya ni Odnalor ang screen shot ng ilan sa kanilang naging usapan pati na rin ang dalawang resibo ng kanilang transaksiyon para patunayan na nagpadala nga siya ng pera sa nagpapanggap na si Rafael Araneta.





‘Di lang ito ang unang beses na may nabikta nang ganitong klase ng modus. Katunayan, mayroon ding mga gumawa ng fake account kina Bernie Tacoy, Nene Abello at iba pa. Kaya’t bago pa maloko ng mga kagaya nito ay suriing mabuti ang kausap baka mapunta lang sa wala ang pinaghirapang pera sa kagustuhang makakuha ng manok mula sa mga kilala at iniidolong breeder. 

Monday, September 11, 2017

Randy Hebron: Signature Line ng True Blood Gamefarm

                             
       Napakaraming farm ang nakatayo sa Laguna kabilang na ang kina Engr. Sonny Lagon, Boy Tanyag, Pol Estrellado at iba pa. Maganda kasing pag-alagaan ng manok, kung hindi ay dadami pa naman ang mga breeder dito?

   Isa sa nagtayo ng farm sa Laguna ay si Randy Hebron ng True Blood Gamefarm. Bukod sa pagiging breeder, isa rin siyang negosyante. Nagmamay-ari siya ng poultry supply at nagba-buy and sell din ng second hand na mga kotse. Ilan lang sa kanyang mga linyada ay ang Boston, Golden Boy, Lemon, White Claret, Gilmore, George Foster Dom at iba pa.

Tara at panoorin ang video nang aming naging panayam sa kanya noong siya ay nasa World Gamefowl Expo.

Sultador, Ginawang Bowling ang Pagbibitaw ng Manok!

                               
      Pinag-uusapan ng mga sabungero sa social media ang isang sultador na mistulang ginawang bowling ang pagbibitaw ng manok sa ruweda.

     Ang nasabing video ay ipinaskil ng Facebook user na si Michael Gaviola. Nangyari ang insidente sa Gagua Cockpit. 

    Makikita sa video na basta na lang inihagis ng sultador ang manok niya. Hindi nito sinunod ang tamang paraan nang pagbibitaw. Sa ginawa niya ay puwede siyang makadisgrasya. Nanalo ang manok nang nasabing sultador. Makikita pa sa hulihan ng video na makikipagkamay pa sana ito, pero itinulak siya ng nakalaban nito.

     Ayon kay Allan Dela Cruz na isa sa mga nakakita nang pangyayari, nag-walkout ang side nang natalo. Kung sa kanya rin daw ito nangyari ay ganito rin ang kanyang gagawin. Baka pabayaran pa niya ang natalo niyang manok. 

    Reaksyon naman ng mga nakapanood sa nasabing video, dapat ay pinatabla na lang ng management ang laban dahil mali nga ang ginawa ng isa. Kung sila raw ang masusunod, dapat ay 'di na ito paakyatin sa ruweda o 'di kaya'y pagbawalang pumasok sa mismong sabungan.

Panoorin ang video: 
  

Sunday, September 10, 2017

Bangis ng Peruvian


    Talaga namang sikat na sikat at napakalakas ng dating ng Peruvian sa ating mga Pinoy. Bagama't dalawang beses pa lang nagkakaroon ng pasabong sa atin ng ganito. Paano ba naman kasi bukod na sa malalaki ay napakalakas pa ng manok nito. Kahit i-spar mo pa lang ay makakarinig ka na parang naglalagutukan ang kanilang mga buto. Kahit bata pa lang ay mga palaban na. Ibayong pag-iingat ang ginagawa nang mga nagbibitaw nito kung sa Teksas pa lang kapag tinamaan ka ng palo yari na, sa Peruvian pa kaya?

      Dahil wala pa namang regular na pasabong para sa Peruvian, ang ginagawa ng iba ay inihahalo nila ito sa Teksas. Napansin nila na lalong lumakas ang kanilang manok nang ginawa nila ito. "Di ba't nagkampeon pa nga si Vic Lacsao sa BAKBAKAN gamit ang mga manok na may dugong Peruvian?

    Hindi lang naman sa Pinas sikat ang Peruvian kundi pati na rin sa Indonesia at iba pang lugar sa Asya. Siyempre kinikilala ang bansang Peru kung saan nagsimula ang Peruvian derby. Sa video na ibinahagi nang isang nagngangalang German Montes, makikitang sandali lang natapos ang laban ng Peruvian. Talaga namang napakalakas ng Peruvian.

Panoorin ang video:

Saturday, September 9, 2017

Lope Durado at Escolin Brothers, Wagi sa B-MEG INTEGRA POWERMAXX Endorsers' Cup 6-Stag Invitational Derby


Ang bawat malalaking kumpanya ng gamefowl feeds ay may kanya-kanyang pasabong para sa kanilang endorsers. Siyempre, ‘di rin pahuhuli rito ang B-Meg. Katatapos lang ng kanilang B-MEG INTEGRA POWERMAXX 2nd Leg Endorsers' Cup 6-Stag Invitational Derby na isinagawa sa Aznar Toutist Sport Complex, Talisay, Cebu mula September 6,7, at 9.

Nasaksihan ng bayang sabungero kung gaano katitigas ang mga manok ng mga pambato ng B-Meg. Ilan sa mga lumahok rito ay sina Dino Olaguer, Al Garcia, Jayson Garces, Audie Avenido, Escolin Brothers, Joey Salangsang at marami pang iba. Pero sa huli, itinanghal na kampeon sina Lope Durado ng Durado pati na rin ang Escolin Brothers na sina Marlon at Martin Escolin ng Roxas City. Ang magkapatid ay nag-champion na rin na sa World Slasher Cup nitong taon lang na ito. Nakilala sila dahil sa kanilang bloodlines na Roundhead at Sweater.

Ang nasabing pa-derby ng B-Meg ay may guaranteed cash prize na 2 million pesos. Ini-live streaming ito sa www.bisaya.com at maging sa Youtube.


Panoorin ang 3rd fight ng Escolin Brothers (ESCOLIN Vs SUPER K8 – 38):

Viral: Manok, Nakipaglaban sa Cobra!


       Trending ngayon sa Facebook ang isang manok na ipinagtatanggol ang kanyang kawan laban sa cobra. 

Ang nasabing video ay nakapaskil sa Fb page ng National Geographic at habang isinusulat ang pitak na ito ay nakakuha na ito nang mahigit 2 million views. 

Makikita sa video na pinipigilan ng tandang ang maliit na cobra na makalapit ito sa mga kasamahang manok. Ang cobra ay kilala sa kanilang pagiging makamandag at kapag natuklaw ang sinuman, mapa-tao o hayop ay siguradong may paglalagyan. Pero buong tapang itong nilabanan ng tandang. Karaniwan kasi na ang mga manok ay ginagawang pagkain o pinapatay ng mga ahas. 

Bagama’t maraming netizens sa ginawa ng cobra ay mayroon din namang nagsasabi na marahil ay inaakala lang ng tandang na bulate ang ahas at gusto niya itong solohin at hindi para magligtas ng kapwa manok partikular na ng inahin.Saka isa pa, hindi naman daw ito King Cobra at napakaliit pa nito.


Panoorin ang video:

Friday, September 8, 2017

Sultador, Hinabol ng Kalabang Manok


Marami nang mga sabungero ang nadisgrasya o muntikan nang madisgrasya kapag nagbibitaw ng manok. Ang iba kasi alam namang oras na para bitawan ang manok, pero ‘di pa rin nila binibtawan ang hawak na manok. Natural susugurin ito ng kalabang manok. Kapag nasa ganitong situwasyon, kung ikaw ang may hawak ng manok siguradong mapapaatras o mapapatakbo ka.

Gaya na lamang nang nangyari sa isang viral video sa pasabong sa Tayud Cockpit Arena. Makikita ang isang matanda na ‘di agad binitawan ang hawak niyang manok. Akmang susugurin na siya nang kalabang manok kung kaya’t napatakbo siya. Buti na lang at maagap ang sentensyador at nakuha agad nito ang nanghabol na manok. 

Ayon sa mga nakapanood nang naturang video. Bakit naman daw kasi ‘di agad binitawan ni Tatang ang manok niya? Sabi naman ng iba, mali ang pagbibitaw nang nasa Wala. Dapat ay pareho silang umatras saka nagbitaw. Sa huli ay nanalo ang Meron na muntik na hinabol ng manok.


Panoorin ang video:

Pagpapalabas ng Manok na Lalaki

                                     
      Posible ba na mapili natin kung babae o lalaki ang laman ng itlog ng inahin. Ayaw kasi nating dumami nang dumami ang mga babae sa ating manukan. Hangga’t maaari gusto natin na lamang ang mga lalaki nang sa gayun ay marami tayong mapagpilian para gawing panlaban. Ang iba, naniniwala na kapag matulis at malaki ang itlog ay lalaki ito. Mayroon din namang naniniwala na nasa bloodline ito ng manok. Mayroon daw kasing mga bloodline na mas lamang magprodyus ng lalaki.

     Ibabahagi ni Rj Palconit ng Maghahalap Gamefarm ang kanyang opinyon base sa kanyang karanasan hinggil sa usaping ito.


Panoorin ang video:

Regine Gonzales: Astig na Lady Gaffer ng Batangas


     Sa panahon ngayon, normal na ang makakita ng babae na nagsasabong. Hindi katulad dati na bibihira ka lang makakita ng mga kagaya nila. Naturingan kasi ang sabong na mundo ng mga kalalakihan o mundo ng mga macho 'ika nga. Salamat na lang sa mga kagaya nina Osang Dela Cruz at Robie Yu Panis dahil itinaas nila ang bandera ng kababaihan pagdating sa sabong.

     May mga babae na ginawa na ring propesyon ang may kinalaman sa sabong. Katulad na lang ni Regine Gonzales ng Batangas na isang mananari. Minsan na siyang nagkaroon ng viral video kung saan ay makikita siya na nagtatari. Maraming mga sabungero ang bumilib sa kanya dahil sa husay niyang magtari. Patunay lang ito na kung ano ang kayang gawin ng mga lalaki ay kaya rin namang gawin ng babae. Lalo na't ang pagtatari ay maaaring matutunan. Kailangan nga lang nang ibayong pag-iingat dahil delikado ito. Mahirap na ang masugatan ng blade.

Panoorin ang video:
 

Thursday, September 7, 2017

Biboy Enriquez: Pagsisimula sa Pagmamanok


Marami sa mga sabungero na bata pa lang ay nagsimula nang magmanok. Pero meron din namang mga late bloomer na. Madalas nating marinig na kaya sila napunta sa pagmamanok ay naimpluwensyahan sila ng kanilang lolo, tatay, tito, kamag-anak o mga kaibigan. Sino nga ba naman ang hindi maeenganyo na magmanok o magsabong. Eh, ibang klase ng pakiramdam ang ibinibigay nito sa atin?

Kung si Biboy Enriquez ng Firebird Gamefarm ang ating tatanungin, paano kaya siya nagsimulang magmanok? May sabungero rin ba sa kanyang pamilya? Mabuti ay alamin na lang natin ang sagot mula sa kanya.

Panoorin ang video:

Viral: Mananalong Manok, Natalo pa!


      Sinasabing napakahiwa talaga ng sabong lalo na pagdating sa labanan. Kaya 'di dapat masyadong magpakumpiyansya. Mayroon kasing manok na akala mo talo na ay nananalo pa. Meron nga d'yan kahit labas na ang bituka ay nagagawa pa ring manalo. Ito ba ang tinatawag na suwerte o sadyang magaling lang talaga ang manok?

     Katulad na lamang nang nag-viral na video sa isang sabungan sa may Batangas na ipinaskil ng FB page na Sta. Rita Sportsville Center. Naglaban ang bulik at talisayin. Makikita na napalo ang talisayin at bumagsak na ito. Pero maya-maya lang ay nagawa pang makaganti ng talisayin kahit nanghihina na ito. Sa huli ay nanalo pa rin siya.

    Ayon sa mga sabungero na nakapanood sa naturang video, 'di nabigyan ng bulik ng finishing touches at nilaru-laro pa nito ang kalaban kung kaya't nakabuwelo pa ito. Sabi naman ng iba, ganun talaga ang winning line na manok, laging may tsansa na manalo.

    Ikaw kasabong, ano'ng palagay mo sa ganitong pangyayari?

Panoorin ang video:

Wednesday, September 6, 2017

Mga Katangian ng Roundhead Dom


Kapag nagbi-breed tayo, may tinitiningnan tayong mga katangian na gusto nating pagsamahin sa iisang manok. Halimbawa, mayroon tayong agresibong manok, pero ang problema ay sugod lang nang sugod. Kaya't ang gagawin natin ay maghahanap tayo ng manok na medyo mautak. Kukunin natin ang kapatid na babae ng mautak na manok para ipares sa manok na agresibo. Kapag nagkaroon na sila ng supling, maaasahan natin na bukod na sa matapang ay magiging mautak na rin ito.

      Ibabahagi sa atin ni Rj Palconit ng Maghahalap Gamefarm ang crosses ng kanilang manok na Roundhead Dom. Ipapaliwanag niya kung anu-ano ang mga katangian nang nasabing kumbinasyon.

Panoorin ang video:

Mark Celzo: Master ng Straight Breeding

                                    
     Kung ang iba ay mahilig mag-cross ng iba't ibang linyada, ibahin natin si Mark Celzo ng Celzo Brothers Gamefarm dahil mas gusto nilang magkakapatid ay ang pure breeding o paghahalo ng iisang dugo lamang ng mga manok. Halimbawa, kung Roundhead ay iku-cross nila ito sa Roundhead din. Kahit ano'ng klase pa ng Roundhead 'yan.

      Noong una, kagaya rin sila ng iba na naghahalo ng iba't ibang linyada. Pero nang minsang subukan nilang na mag-pure breeding ay naging maganda naman ang resulta kaya't ito simula noon ay ito na ang kanilang kanilang naging sistema sa pagbi-breed.

     Ang farm nina Celzo ay matatagpuan sa paanan ng Mount Balungao sa may Brgy. Pagarao, Pangasinan. Ang kanilang mga bloodline ay binubuo ng Sweater, Kelso at Grey at iba pa.

    Panoorin ang aming naging panayam kay Mark Celzo sa World Gamefowl Expo...

Biboy Enriquez: Firebird Bloodlines

                                     
      Si Biboy Enriquez ay nakilala sa linyada na Kelso kaya't tinagurian siyang 'Kelso Man of the Philippines. Ang manok niyang  ito ay nagbigay na ng magandang record sa Firebird Gamefarm. Sumikat din ang manok niya na tinatawag na Super Sweater na nanggaling kay Carol Nesmith, pero ang nagpalahi ay isang Mexican breeder. Tinawag niya itong Sweater dahil na rin sa napakaguwapo nitong manok at mahusay ding pumalo.

     Maliban sa nabanggit na dalawang bloodline ay anu-ano pa nga ba ang mga iniingatang bloodline ni Biboy? Anu-ano ang characteritic ng kanyang mga manok. Mabuti pa ay alamin mismo natin sa kanya.

Panoorin ang video:

Trainer na napapataas ang lipad ng mga manok, kinabiliban ng mga sabungero

                           
      Marami sa mga sabungero ang may gusto ng manok na angat o mataas lumipad. Para kasi sa kanila ay maliksing kumilos ang ganitong manok. Kaya naman kanya-kanyang istilo nang pagsasanay ang ginagawa ng mga trainer para maging mataas lumipad ang kanilang mga manok. Meron nga kaming breeder na nakilala na matatas lumipad ang manok. Kapag iniispar ang mga manok niya ay umaabot pa ang lipad ng manok sa may ilawan ng ruweda sa kanyang farm. Ang ganitong laro raw ng kanyang mga manok ang hinahanap sa kanya ng mga buyer.

    Ang problema nga lang ay naiisahan ang angat na manok ng kalaban kapag abang ang istilo. Pero depende na rin siguro, kung magaling naman umilag ang angat na manok ay makakaiwas ito sa palo.

     Sa video na nag-viral ay makikita ang ginagawang pagsasanay ng isang sabungero sa kanyang mga manok. Maraming mga netizen ang bumilib dito dahil nagagawa niyang patakbuhin ang utusan na lumipad ang mga manok papunta sa mataas na kawayan na nagsisilbing hapunan ng manok.

Panoorin ang video:

Monday, September 4, 2017

Sparring ng Dalawang Puting Manok, Nauwi sa Pautakan

     
        Pinag-uusapan sa sabong community ang sparring ng dalawang puting manok. Paano kasi ay hindi sila magkatamaan at puro pa-opensiba ang kanilang ginagawa. Ang may-ari nang nasabing mga manok ay ay nagngangalang Kai Tran mula sa bansang Australia. Natanong niya na kung alin ba sa dalawa ang kanyang ika-cull o kakatayin.

     Sabi ng ilang sabungero, kung sila si Tran ay kakatayin na lang itong pareho. Sa tingin kasi nila ay 'di marunong mag-cut ang dalawang manok. Pero meron ding nagsasabi na mauutak lang ang mga manok. Subukan daw na i-sparr ito sa ibang bloodline gaya ng Roundhead o Sweater siguradong mag-iiba ang laro nila. Mahirap kasing pagtapin ang dalawang manok na magkapareho ang fighting style. Bagay daw ang mga ito kung long knife ang labanan.

      May mga nagbiro rin na parang si Mayweather kung maglaro ang dalawang puti dahil sa galing nilang umiwas. 'Yun nga lang kahit sinusugod naman nila ang isa't isa ay 'di sila magkatamaan. Pumapalo pero walang tinatamaan dahil umiiwas agad sa palo ng isa.

Panoorin ang video:

Latina, Nagpakitang Gilas sa Pagtatari

                                         

     Marami na ang mga babaeng nagmamanok o nagsasabong ngayon dito sa Pilipinas. Unang-una na nga riyan si Osang Dela Cruz na tinaguriang 'Reyna ng Sabong', Robie Yu Panis na 'Prinsesa naman ng Tari. Bukod sa kanila and'yan din sina Rhona Bullecer ng Pililia, Janine Gonzales ng Davao, Regine Gonzales ng Batangas at marami pang iba.

     Pero hindi lamang sa bansa natin nauuso ang mga babaeng nagmamanok. Kahit sa Mexico ay mga babae na ring nagsasabong. Siyempre, meron na rin sa iba pang panig ng mundo.

    Makikita sa video na ipinaskil ng Hội Gà Mỹ Miền Nam ang isang babae na mistulang teenager pa lamang ay kinakarir na ang pagtatari. Hindi imposible na isang araw ay magkakaroon na rin ng sikat na babaeng mananari sa nasabing bansa. Bakit hindi? Sabi nga ng mga sabungera, kung ano ang kayang gawin ng mga lalaki ay kaya rin namang gawin ng mga babae. Para saan pa at sinabi na may pagkapantay-pantay sa sabong?

Panoorin ang video:

Friday, September 1, 2017

Inahin na Nagpaka-Ina sa Mga Kuting, Viral sa Social Media

                                  
        Viral ngayon ang video ng isang inahin na nililimliman ang limang kuting. Maraming netizens at nakyutan at naantig sa video dahil kahit ang hayop ay mayroong ding damdamin bilang isang ina.

       Ang naturang viral video ay naka-post sa Facebook page na Videoon. Habang isinusulat ang artikulong ito ay nakakuha na ito nang mahigit 15 million views.

     Sa una, makikita na nililimliman pa ng inahin ang mga kuting na parang mga itlog. Pero maya-maya lang ay lumabas na ang mga pagka-kyut na kyut na kuting.

      Bagama't marami ang natutuwa ay mayroon din namang naiinis o nagki-kritisismo sa nag-post sa video. Anila ay mukha namang malulusog ang mga kuting at inilagay lang naman ng may-ari ang mga ito sa pugad ng inahin. Hindi naman daw kasi magagawa pang umakyat doon ng mga kuting. Maaaring ang ina ng mga kuting ay naroon lang sa paligid.

     Ikaw kasabong, ano ang masasabi mo hinggil sa video na ito?

Panoorin ang video:

Thursday, August 31, 2017

Mahigit 70 Katao Timbog sa Iligal na Operasyon ng Online Sabong


Arestado ang 69 costumers at 7 tauhan ng isang kainan at inuman matapos madatnan ng kapulisan na nagpapalabas at nagpapataya ito ng online sabong sa may Brgy. Bagumbuhay, Quezon City.

Ang naturang establisiyemento ay inireklamo ng mga residente dahil perwisyo ito sa kanilang barangay. Palagi raw kasing maingay at maraming tao rito na umaabot pa hanggang sa may kalsada. Problema rin sa trapiko ang dulot nito dahil nakahambalang ang mga sasakyan ng mga kostumer sa kalsada.

Sa panayam ng 24 Oras kay Brgy. Bagumbuhay Chairman Raulito Datiles, sinabi niya ang ibang mga kostumer ay ‘di na tumataya sa machine kundi sila-sila na ang nagpupustahan o kung sa pula o sa puti. Sobrang dami ng tao kaya’t gumugulo na.

Umalma pa ang ilang tauhan ng establisyemento sa pagsasabi na mayroon silang permit. Pero napag-alaman ng kapulisan na ang kanilang permit ay para lang sa karera ng kabayo at hindi para sa online sabong. Sinabi ng isa pang tauhan, na sa pagkakaalam niya ay ligal ang pagpapalabas nila ng online sabong.

            Isinara pa ng mga pulis ang establisyemento para ‘di makalabas ang mga tao roon. Kinumpiska nila ang mga machine na ginagamit sa iligal na operasyon ng online sabong.


Ang mga naaresto ay makakasuhan ng illegal gambling.

Source: 24 Oras

Wednesday, August 30, 2017

Heating ng Manok-Panabong


Ano nga ba ang dapat gawin kapag naghipheating tayo ng manok-panabong? Dapat bang galitin nang husto o dapat kalmado lang? May kinalaman kaya rito ang bloodline para malaman kung ano ang gagawin?

      Ang mga nasabing katanungan hinggil sa heating ang sasagutin ng ating kasabong na si Audie Avenido. Bukod sa heating, bibigyan niya rin tayo ng tips nang tamang paghawak ng manok bago ito bitawan sa ruweda.

Panoorin ang video:

Magandang Broodcock


Ano nga ba ang magandang gamitin na broodcock? 'Yung subok na ba o nagpapanalo sa laban o puwede rin kahit 'di pa nailaban basta kabisado mo naman ang linyada? Sigurado kahit alam man d'yan sa dalawa ay  pareho 'yang ginagawa ng mga breeder.

    Ibabahagi sa atin ni Rj Palconit ng Maghahalap Gamefarm kung ano nga ba ang magandang gawing broodcock o ganador.

Panoorin ang video:

Teknik sa Pagkukundisyon ng Manok


Ang pagkukundisyon ng manok ay napakahalaga dahil dito nakasalalay kung magpi-perform ba ang isang manok o hindi pagdating sa ruweda. Kaya naman ang iba nating mga kasabong ay talagang inihahanda nila nang husto ang kanilang mga manok. Mas may tsansa raw kasi na manalo kapag naging maganda ang ginawang paghahanda. Suwertehan na lang sa laban dahil alam naman nilang nakapaghanda rin nang husto ang kalaban.

    Ibabahagi sa atin ni Rj Palconit ng Maghahalap Gamefarm ang ginagawa niyang pagkukundisyon sa kanilang manok na panlaban.

Panoorin ang video:

Biboy Enriquez: Magagandang Katangian ng Manok-Panabong

                          
     Kapag tumitingin tayo ng panlaban ay may hinahanap tayo na mga katangian na dapat ay taglay ng isang manok. Sa katawan pa lang, makikita agad natin kung ano ang pupuwede. Idagdag pa kung paano umasta ang manok. Gusto natin 'yung kung tumindig ay mayabang. Waring nagpaparamdam na sa ibang mga manok na kapag pinakialaman nila ang kanyang teritoryo ay yari sila.

     Kung si Biboy Enriquez ng Firebird Gamefarm, ano kaya ang magagandang katangian sa manok na hinahanap niya? Sapat na ba ang pagiging teritorial ng manok o dapat may iba pang gawin?

Panoorin ang video:

Tips sa Pagbabakuna ng Manok-Panabong


Ang pagbabakuna ay napakahalaga dahil nagsisilbi itong proteksyon laban sa mga nakapipinsalang virus. Kapag 'di natin nabakunahan nang tama ang manok, siguradong magkakaroon tayo ng problema.

Bibigyan tayo ng tips ng ating kasabong na si Makuru Makuri hinggil sa tamang paraan nang pagbabakuna.

Panoorin ang video:

Pagpapares ng Tandang at Inahin


Kapag breeding ang pag-uusapan ay sadyang napakasaliuot at napakalawak nito. Maraming bagay kasi ang dapat na ikunsidera kabilang na rito kung ano ba ang dugo na mas gusto mong palabasin, sa tatay ba o sa nanay? Isa rin sa tanong na pumapasok sa isip ng iba, kapag matangkad ba ang nanay at tatay ng manok, automatic din na magiging matangkad ang kanilang anak? Paano magiging matapang at mailag ang isang manok?

Ang paksa na ito ang pag-uusapan ng ilan sa mga LDI endorsers na sina Osang Dela Cruz at Raffy Yulo.

Panoorin ang video:

Biboy Enriquez: Payo sa Pagbi-breed ng Manok


Ang mga datihan o beterano nang mga breeder, minsan din silang naging mga baguhan. Sa dami na nang kanilang pinagdaanan sa pagmamanok siguradong marami silang mga karanasan na maibabahagi sa sinuman na nagnanais na makapulot ng teknik sa kanila. Wala namang mawawala kung magtatanong tayo sa kanila bagkus ay may madadagdag pa nga sa atin.

Isa sa mga beteranong breeder sa bansa ay si Biboy Enriquez ng Firebird Gamefarm. Isa siya sa mga breeder na walang sawang nagbabahagi ng kaalaman sa pagmamanok. Ano kaya ang kanyang masasabi sa mga nagsisimula pa lang na magmanok?

Panoorin ang video:

Robie Yu Panis: Highlights ng Career sa Sabong

                                     

         Ang bawat magmamanok o magsasabong ay may itunuturing na pinaka-highllights ng career. Maaaring ito ay noong manalo sila sa isang derby. 'Di nila malimutan dahil maganda ang premyo o 'di-kaya naman ay naging solo champion sila sa dami ng entries. Maaari rin naman noong maitampok sila sa magasin o sa telebisyon. Aba'y bidang-bida sila ng mga sandaling 'yun dahil marami sa kanilang mga kakilala ang nakakita. Bonus pa na makilala sila ng ibang mga sabungero. Kumbaga, nakaka-proud talaga.

      Pero kung si Robie Yu Panis, manager at mananari ng Firebird Gamefarm ang tatanungin, ano kaya ang itinuturing niya na highlights ng kanyang career sa sabong?

Panoorin ang video:

Puwede bang Madaliin ang Paglulugon ng Manok?

   
Ang paglulugon o molting season ay natural na proseso na pinagdadaanan ng mga manok. Parang ahas din na nagpapalit ng balat. Masakit ang ganito para sa manok, ikaw ba naman ang nalalagasan ng balahibo.

Pero may ilan tayong mga kasabong na nagtatanong kung maiiwasan ba o mapapadali ang paglulugon ng manok. Naitanong nila ito marahil baka napapangitan silang tingnan kapag nakikita nilang lagas-lagas na ang balahibo ng kanilang mga manok. Kung hindi naman, gusto nilang madaliin ang paglulugon ng manok para mailaban agad nila ito.

Ang katanungang nabanggit ang sasagutin ni Rj Palconit ng Maghahalap Gamefarm. Ipapaliwanag niya rin kung ano ang mga dapat gawin kapag naglulugon ang mga manok.

Panoorin ang video:

Tips sa Pagtatari

                                   
     Bilang isang sabungero na lumalaban sa ruweda, importante rin na matutunan ang pagtatari. Hindi dahil sa gusto nating mawalan ng hanapbuhay ang mga mananari sa sabungan kundi para mas maging kampante tayo dahil tayo mismo ang nagtari. Kapag natalo tayo ay wala tayong ibang tao na sisisihin. Sa pagtatari, may mga bagay na dapat isaalang-alang kabila na riyan kung ano ang porma ng paa ng manok, taring gagamitin at iba pa.

     Ituturo sa atin ni Ruben Escover, isang breeder at mananari ang ilang mga bagay na dapat tandaan sa pagtatari. 

Panoorin ang video:

Pagkatay ng Reject na Manok


       Hindi maiiwasan na sa isang produksyon ay magkakaroon ng reject na manok. Kaysa alagaan pa ang mga ito ay idinidispatsa na lamang nila ito. Sa ilang malalaking farm ay ipinamimigay lang nila ang mga reject na manok. At kung 'di nanghihinayang sa manok ay diretso katay na lang ang mga ito at ibinabaon sa lupa. Sa maliit na farm, siyempre inuulam nila ang mga kinatay na manok kaysa naman lupa lang ang makinabang.

      Pero paano ba natin malalaman kung reject ang isang manok at dapat na ba itong i-cull? Ano ba ang dapat gawin para mabawasan ang pagkakaroon ng reject. Ibabahagi ni Rj Palconit ng Maghahalap Gamefarm ang kanilang sistema hinggil sa usaping ito.

Panoorin ang video: